عجیب خواہش ہے شہر والوں سے چھپ چھپا کر کتاب لکھوںتمہارے نام اپنی زندگی کی کتاب کا انتساب لکھوں
وہ لمحہ کتنا عجیب تھا جب ہماری آنکھیں گلے ملی تھیںمیں کس طرح اب محبتوں کی شکستگی کے عذاب لکھوں
تمہی نے میرے اجاڑ رستوں پہ خواہشوں کے دیے جلائےتمہی نے چاہا تھا خشک ہونٹوں سے چاہتوں کے گلاب لکھوں
کبھی وہ دن تھے کہ نیند آنکھوں کی سرحدوں سے پرے پرے تھیمگر میں اب جب بھی سونا چاہوں تمہاری یادوں کے خواب لکھوں
میں تنہا لڑکی دیار شب میں جلاؤں سچ کے دیئے کہاں تکسیاہ کاروں کی سلطنت میں میں کس طرح آفتاب لکھوں
قیادتوں کے جنوں میں جن کے قدم لہو سے رنگے ہوئے ہیںیہ میرے بس میں نہیں ہے لوگو کہ ان کو عزت مآب لکھوں
یہی بہت ہے کہ ان لبوں کو صدا سے محروم کر کے رکھ دوںمگر یہ کیسی مصالحت ہے سمندروں کو سراب لکھوں
— نوشی گیلانی
Ajeeb khwahish hai shahar walon se chhup chhipa kar kitaab likhoonTumhare naam apni zindagi ki kitaab ka intisaab likhoon
Wo lamha kitna ajeeb tha jab hamari aankhein gale mili thinMain kis tarah ab mohabbaton ki shikastagi ke azaab likhoon
Tumhi ne mere ujaad raston pe khwahishon ke diye jalayeTumhi ne chaha tha khushk honton se chahton ke gulaab likhoon
Kabhi wo din the ke neend aankhon ki sarhadon se pare pare thiMagar main ab jab bhi sona chahoon tumhari yaadon ke khwab likhoon
Main tanhaa ladki dayar-e-shab mein jalaoon sach ke diye kahan takSiyah kaaron ki saltanat mein main kis tarah aaftaab likhoon
Qiyadaton ke junoon mein jin ke qadam lahoo se range hue hainYe mere bas mein nahin hai logo ke in ko izzat-maab likhoon
Yehi bahut hai ke in labon ko sadaa se mahroom kar ke rakh doonMagar ye kaisi masalehat hai samundaron ko saraab likhoon
