کب سابقہ غُلام سے خطرہ ہے شاہ کو!بپھرے ہوئے عوام سے خطرہ ہے شاہ کو
پہلے تھا خوف دِل میں کسی تیغِ تیز کااور اب تہی نیام سے خطرہ ہے شاہ کو
جاں کی امان پاؤں تو کُچھ کہنے دیجیے:اِس جبری احترام سے خطرہ ہے شاہ کو
تکتے ہیں کیسی خشمگیں نظروں سے دورِ جام!خدّامِ تشنہ کام سے خطرہ ہے شاہ کو
جس طرح آگے بڑھنے لگی ہے یہ داستانلگتا ہے اختتام سے خطرہ ہے شاہ کو
دیکھو! کوئی خمیدہ کمر سر اُٹھا نہ لے!سجدے نہیں، قیام سے خطرہ ہے شاہ کو
کہتا ہے چیخ چیخ کے دروازہء محل:دیوار و سقف و بام سے خطرہ ہے شاہ کو
ہم تو نمک حلال ہیں اور سگ مثال ہیںکِس نطفہء حرام سے خطرہ ہے شاہ کو؟
کیا جانیے بھڑک اُٹھے کب کون سا چراغ!ہر ڈھلنے والی شام سے خطرہ ہے شاہ کو
میں تو غزل سرا ہوں فقط شوقِ شعر میںکیا مجھ سے خوش کلام سے خطرہ ہے شاہ کو!
— سعید شارق
Kab sabqa ghulaam se khatra hai shah ko!Biphre hue awam se khatra hai shah ko
Pehle tha khauf dil mein kisi tegh-e-tez kaAur ab tehi niyam se khatra hai shah ko
Jaañ ki amaan paaoñ toh kuchh kehne deejiye:Is jabri ehteraam se khatra hai shah ko
Takte hain kaisi khashmgiñ nazroñ se daur-e-jaam!Khuddam-e-tishna kaam se khatra hai shah ko
Jis tarah aage baṛhne lagi hai yeh daastaańLagta hai ikhtetam se khatra hai shah ko
Dekho! Koi khameeda kamar sar uṭha na le!Sajde nahiñ, qiyam se khatra hai shah ko
Kehta hai cheekh cheekh ke darwaza-e-mahal:Deewar-o-saqaf-o-baam se khatra hai shah ko
Hum toh namak halal hain aur sag misaal hainKis nutfa-e-haraam se khatra hai shah ko?
Kya jaaniye bhaṛak uṭhe kab kaun sa chiragh!Har dhalne wali shaam se khatra hai shah ko
Maiñ toh ghazal sara hooñ faqat shauq-e-sher meinKya mujh se khush kalaam se khatra hai shah ko!
