8 اشعار

منظر سمیٹے، خواب سنبھالے، نمی بھری

Manzar samete, khwab sambhale, nami bhari

سعید شارق
منظر سمیٹے، خواب سنبھالے، نمی بھری

«منظر سمیٹے، خواب سنبھالے، نمی بھری» سعید شارق کا کلام ہے، جسے نایاب نے سحرِ بیاں کی ایکس سپیس «دل میں اُترے نہ اُداسی سے بھری کہلائے سعید شارق» میں 5 فروری 2026 کو اپنی آواز میں پیش کیا۔ ریکارڈنگ کا دورانیہ 1 منٹ 11 سیکنڈ ہے۔

منظر سمیٹے، خواب سنبھالے، نمی بھریزنبیلِ چشم یوں بھی تو بھرنا ہی تھی، بھری

تنہائی کے سفر پہ نکلنے سے پیشتربکسے میں اپنی اور تمھاری کمی بھری

خالی کبھی نہ رہنے دیا ساغرِ وصالجی بھر گیا تو میں نے مئے تشنگی بھری

کھولا اُسے تو حالتِ دل یاد آ گئیبس یوں ہی لگ رہی تھی وہ گٹھڑی بھری بھری

کیوں مل سکی نہ مدرسہء ہست سے سند!ہر امتحان پاس کیا، فیس بھی بھری

آساں کہاں تھا وقت کے سکّے سنبھالنا!اک عُمر میں یہ چھید بھری پوٹلی بھری

یہ بھی گزشتہ شام کا بہروپ ہی نہ ہو!ورنہ سحر، اور اس قدر افسردگی بھری؟

کیسا سراب ہے مری بنجر زمین پر!اِک فصل تکتا رہتا ہوں وہ بھی ہری بھری

— سعید شارق

کس نے پڑھا

یہ کلام محفلوں میں

نایابدل میں اُترے نہ اُداسی سے بھری کہلائے سعید شارق