بے وجہ تحفظ کی ضرورت بھی نہیں ہےایسی مرے اندر کوئی عورت بھی نہیں ہے
ہاں ان کو بھلا ڈالیں گے اک عمر پڑی ہےاس کام میں ایسی کوئی عجلت بھی نہیں ہے
کس منہ سے گلہ ایسی نگاہوں سے کہ جن میںپہچان کی اب کوئی علامت بھی نہیں ہے
ان کو بھی مجھے شعر سنانے کا ہوا حکمکچھ شعر سے جن کو کوئی نسبت بھی نہیں ہے
میرے بھی تو ماضی کی بہت سی ہیں کتابیںپر ان کو پلٹنے کی تو فرصت بھی نہیں ہے
کچھ تم سے گلہ اور کچھ اپنے سے کہ مجھ کوہر حال میں خوش رہنے کی عادت بھی نہیں ہے
میں دفن رہوں اب یوں ہی ریشم کے کفن میںاب اس کے سوا اور تو صورت بھی نہیں ہے
— شبنم شکیل
Be wajah tahaffuz ki zarurat bhi nahin haiAisi mere andar koi aurat bhi nahin hai
Haan un ko bhula dalenge ik umar padi haiIs kaam mein aisi koi ujlat bhi nahin hai
Kis munh se gila aisi nigahon se ke jin meinPehchan ki ab koi alamat bhi nahin hai
Un ko bhi mujhe sher sunane ka hua hukmKuchh sher se jin ko koi nisbat bhi nahin hai
Mere bhi to maazi ki bahut si hain kitabenPar un ko palatne ki to fursat bhi nahin hai
Kuchh tum se gila aur kuchh apne se ke mujh koHar haal mein khush rehne ki aadat bhi nahin hai
Main dafan rahun ab yun hi resham ke kafan meinAb is ke siwa aur to surat bhi nahin hai
